Мемлекет басшысының жарлығымен бірқатар мемлекеттік органның басшылары қайта тағайындалды, деп хабарлайды kazlenta.kz Ақорданың ресми сайтына сілтеме жасап.
Президент жарлығымен: Ермек Алдабергенұлы Сағымбаев Ұлттық қауіпсіздік комитетінің төрағасы лауазымына; Олжас Абайұлы Бектенов Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметтің) төрағасы лауазымына; Жанат Қалдыбекұлы Элиманов Қаржылық мониторинг агенттігінің төрағасы лауазымына; Сәкен Сайынұлы Исабеков Мемлекеттік күзет қызметінің бастығы лауазымына; Дархан Медеғалиұлы Жазықбаев Мемлекеттік қызмет істері агенттігінің төрағасы лауазымына; Айбек Арқабайұлы Дәдебаев Президенттің Іс басқарушысы лауазымына; Әсет Арманұлы Ерғалиев Стратегиялық жоспарлау және реформалар агенттігінің төрағасы лауазымына; Марат Талғатұлы Омаров Бәсекелестікті қорғау және дамыту агенттігінің төрағасы лауазымына қайта тағайындалды.
28-11-2022, 12:02
Мемлекет басшысы бірқатар маңызды органдардың басшыларын қайта тағайындады
Егер мәтінде қате байқасаңыз, оны таңдап, Ctrl+Enter пернелерін басыңыз