Бүгін мемлекет басшысының төрағалығымен Ақордада Қауіпсіздік кеңесінің шұғыл отырысы өтті, деп хабарлайды президенттің баспасөз қызметі ресми сайтында. Бұл туралы kazlenta.kz хабарлайды.
Жиында Қасым-Жомарт Тоқаевтың БҰҰ Бас Ассамблеясы 77-сессиясына қатысу үшін Нью-Йоркке барған сапарының және бірқатар мемлекеттің басшыларымен, БҰҰ басшылығымен, АҚШ іскер топтарымен кездесулерінің қорытындысы аясындағы халықаралық және өңірлік қауіпсіздік мәселелері қарастырылды. Отырыс соңында президент бірқатар тапсырма берген. Еске сала кетейік, 19 қыркүйекте Қасым-Жомарт Тоқаев жұмыс сапарымен Нью-Йоркке барды.
Сапар барысында президент америкалық ірі компаниялардың басшыларымен, жаһандық қаржы институттарының жетекшілерімен, әлемнің жетекші технологиялық компанияларында жұмыс істеп жатқан 400 қазақстандықты біріктіретін Digital Nomads IT қоғамдастығының өкілдерімен кездесті. Сондай-ақ БҰҰ Бас ассамблеясы 77-сессиясының жалпы дебатының ашылуында сөз сөйледі.
23-09-2022, 09:17
Президент Қауіпсіздік кеңесінің отырысын өткізді
Егер мәтінде қате байқасаңыз, оны таңдап, Ctrl+Enter пернелерін басыңыз