Республика көлемінде өтіп жатқан "Қауіпсіз жол" жедел-профилактикалық іс-шарасы аясында патрульдік полиция қызметкерлері дрон әуе камерасының көмегімен жол қозғалысы ережелерін бұзу деректерін анықтап, құқық бұзушыларға қатысты заң талаптарына сәйкес әкімшілік шаралар қабылдауда, - деп хабарлайды kazlenta.kz тілшісі Polisia.kz сайтына сілтеме жасап.
Мәселен, И.Тайманов пен Әбілқайыр хан – Мәденов көшелерінің қиылысында Toyota Land Cruiser 150 және Hyundai Creta автокөліктерінің жүргізушілері көлік құралын жеңіл дәрежедегі масаң күйде басқарғаны анықталып, оларға қатысты әкімшілік шаралар қолданылды. Сондай-ақ Қ.Сәтбаев көшесінде маневр жасау қағидаларын бұзған BMW автокөлік жүргізушісіне ҚР ӘҚБтК-нің 590-бабының 5-бөлігі және 595-бабының 1-бөлігі бойынша әкімшілік хаттамалар толтырылып, көлік құралы арнайы айып тұрағына қойылды. Жол сақшылары барлық жүргізушілерді жол қозғалысы ережелерін қатаң сақтауға, көлік құралын масаң күйде басқармауға және өзге жол қозғалысына қатысушылардың өмірі мен қауіпсіздігіне қауіп төндіретін әрекеттерге жол бермеуге шақырады.14-07-2026, 10:49
Қауіпсіз жол: Атырауда дрон көмегімен жолдағы құқық бұзушылықтар анықталуда
Фото: polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз