ШҚО-да "Түнгі қаладағы балалар" рейдінің қорытындысы шығарылды, – деп хабарлайды kazlenta.kz тілшісі Polisia.kz сайтына сілтеме жасап.
Шығыс Қазақстан облысында "Түнгі қаладағы балалар" жедел-профилактикалық іс-шарасы өтті. Үш күнге созылған рейдтің негізгі мақсаты – бақылауды күшейту ғана емес, жасөспірімдердің қауіпсіздігін қамтамасыз етіп, оларды кешкі және түнгі уақытта құқық бұзушылықтардан қорғау. Тексеру нәтижесінде әкімшілік құқық бұзушылық жасаған 55, қараусыз қалған 40 жасөспірім анықталды. Жалпы шара кезінде 175 әкімшілік құқық бұзушылық фактісі тіркелді. Ең көп кездескен құқық бұзушылық – кәмелетке толмағандардың заңды өкілдерінсіз түнгі уақытта тұрғын үйлерінен тыс жерде болуы. Осындай 131 жағдай анықталды.
Рейдтік іс-шаралармен қатар инспекторлар профилактикалық жұмыстарға да ерекше көңіл бөлді. Барлығы 71 іс-шара ұйымдастырылып, оның ішінде дәрістер, түсіндіру кездесулері мен брифингтер өткізілді. Мұндай кешенді тәсіл құқық бұзушылықтарды анықтап қана қоймай, мемлекеттік қолдауды қажет ететін отбасыларды дер кезінде айқындауға мүмкіндік береді.
Рейдтік іс-шаралармен қатар инспекторлар профилактикалық жұмыстарға да ерекше көңіл бөлді. Барлығы 71 іс-шара ұйымдастырылып, оның ішінде дәрістер, түсіндіру кездесулері мен брифингтер өткізілді. Мұндай кешенді тәсіл құқық бұзушылықтарды анықтап қана қоймай, мемлекеттік қолдауды қажет ететін отбасыларды дер кезінде айқындауға мүмкіндік береді.