Алматыда «демалыс күндері жәрмеңкелерінің» саны артып келеді. 16 мамырдан бастап Жетісу ауданындағы Құлагер шағынауданында жаңа сауда алаңы жұмысын бастайды, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Жәрмеңкеге Алматы қаласы, Шығыс Қазақстан облысы және Алматы облысының Еңбекшіқазақ, Талғар, Іле, Қарасай және Жамбыл аудандарынан ауыл шаруашылығы өнімдерін өндірушілер қатысады. Сатылымға 1000-нан астам түрлі тауар шығарылады. «Демалыс күнгі жәрмеңке» әр сенбі және жексенбі күндері сағат 09:00-ден 18:00-ге дейін мына мекенжайларда өтеді:
— Бостандық ауданы — Қазақфильм шағынауданы;— Әуезов ауданы — Рысқұлбеков көшесі, 33/2;
— Медеу ауданы — Мендіқұлов және Бектұров көшелерінің қиылысы;
— Алмалы ауданы — Масанчи көшесі, Әйтеке би мен Гоголь көшелерінің аралығы;
— Жетісу ауданы — Құлагер шағынауданы.