Халықты әлеуметтік бағдарланған саудамен қамтуды кеңейту мақсатында «Алматы» ӘКК қаланың Алмалы ауданында екінші демалыс күнгі жәрмеңкені ашты. Жаңа сауда алаңы әр сенбі және жексенбі күндері сағат 09:00-ден 18:00-ге дейін Жамбыл мен Әуезов көшелерінің қиылысында жұмыс істейді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Жәрмеңке аумағында отандық тауар өндірушілердің өнімдерін орташа нарық бағасынан төмен бағамен сатуға арналған 30 сауда орны бар. Сатып алушыларға жаңа піскен көкөністер, ет және сүт өнімдері, бал, құс еті, жұмыртқа, сондай-ақ басқа да азық-түлік тауарлары ұсынылады. Қазіргі уақытта демалыс күнгі жәрмеңкелер мына аудандарда өткізіледі:
• Алмалы ауданы - Масанчи көшесі, Гоголь көшесі мен Әйтеке би көшесі арасында;
• Бостандық ауданы - Қазақфильм шағынауданы, Исиналиев көшесі;
• Әуезов ауданы - Өтеген батыр көшесі, Абай даңғылынан төмен;
• Медеу ауданы - Меңдіқұлов бульвары, Бектұров көшесінің қиылысы;
• Жетісу ауданы - Құлагер шағынауданы, Серіков көшесі, 2.
Жәрмеңкелерде орта есеппен бір демалыс күндері 800 тоннадан астам өнім сатылады, ал келушілер саны 50 000 адамнан асады.