Мамыр айының басынан бастап қаладағы субұрқақ кешендері кезең-кезеңімен іске қосылып, қолайлы ауа райында күн сайын сағат 08:00-ден 23:00-ге дейін жұмыс істейді, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Биыл шаһарда коммуналдық меншіктегі 55 субұрқақ пайдалануға беріледі. Оның ішінде 11 «құрғақ» субұрқақ та бар. Іске қосу алдында барлық нысанда тазалық жұмыстары жүргізіліп, су залалсыздандырылды, жабдықтар жөнделіп, инженерлік жүйелер толық тексерістен өтті. Қазіргі таңда Республика алаңындағы және Ғ. Мүсірепов атындағы театр маңындағы субұрқақтарды жаңғырту жұмыстары жалғасып жатыр. Жөндеу және іргелес аумақтарды көріктендіру жұмыстарын 2026 жылдың үшінші тоқсанында аяқтау жоспарланған. Субұрқақтарды жаңғырту мен күтіп ұстау жұмыстары Алматыдағы жайлы қалалық орта мен қоғамдық кеңістіктерді дамыту аясында қолға алынған.Бүгін, 16:19
Алматыда субұрқақтар маусымы басталды
Фото: Алматы қаласы әкімінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз