Алматыда төрт субұрқақ алғаш рет күрделі жөндеуден өтеді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматыда салынған кезден бері алғаш рет төрт ірі субұрқақ кешеніне күрделі реконструкция жасалады:
Қала әкімдігі алдындағы Шығыс және Батыс субұрқақтары
Республика алаңындағы субұрқақ
Ғ. Мүсірепов атындағы театр алдындағы субұрқақ
Сараптама нәтижесінде гидрооқшауламаның тозуы, жабдықтар мен сүзу жүйесінің ескіруі сынды субұрқақтардың жағдайы қанағаттанарлықсыз екені анықталды. Жоба аясында жоспарланған жұмыстар:• барлық инженерлік коммуникацияны ауыстыру• құрылымдарды нығайту• жаңа сорғыларды, жарықтандыруды және сүзгілерді орнату• автоматтандырылған басқару жүйесін енгізу• айналасындағы аумақты көркейту Алматылықтардың қауіпсіздігі үшін төмен вольтты шамдар мен құрғақ сорғы жабдықтары орнатылады, ал су хлорсыз – белсенді оттегі арқылы тазартылады. Реконструкция барысында субұрқақтардың тарихи келбеті сақталады, олар қаланың сәулетіне үйлесімді түрде сәйкестендіріледі.Жөндеу жұмыстары сәуір айында басталып, қазан айында аяқталады. Жаңартудан кейін субұрқақтар Алматының көркіне айналып, жайлы демалыс орындары болады.