14 мамыр сағат 11:00-де Алматыда жоспарлы жалпықалалық сейсмикалық жаттығу өткізіледі. Қалада дабыл жүйелері іске қосылып, мобильді қосымша арқылы хабарлама жіберіледі, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
«Баршаңыздың назарыңызға!» дабылын естіген жағдайда теледидар немесе радионы қосып, мобильді қосымша мен ресми интернет-ресурстардағы ақпаратпен танысу қажет. Тұрғындарға алдын ала дабыл сөмкесін дайындап, ғимараттардан, ағаштардан және электр желілерінен алыс орналасқан ашық қауіпсіз алаңға баратын бағытты анықтап алу ұсынылады. Алматыда халықты қабылдауға арналған 384 пункт ұйымдастырылады. Ақпаратты 2GIS сервисіндегі «зардап шеккен халықты қабылдау пункттері» сұранысы арқылы, сондай-ақ Алматы қаласы ТЖД мен қала әкімдігінің ресми сайттарынан оқуға болады.12-05-2026, 14:37
Алматыда жоспарлы сейсмикалық жаттығу өтеді
Фото: gov.kz
Егер мәтінде қате байқасаңыз, оны таңдап, Ctrl+Enter пернелерін басыңыз