ШҚО-да абаттандыру қағидаларын бұзғандар анықталды, — деп хабарлайды kazlenta.kz тілшісі Polisia.kz сайтына сілтеме жасап.
Полиция тұрғындарды қоғамдық орындарда тәртіп сақтауға және қоршаған ортаға ұқыпты қарауға шақырады. Республикалық “Таза Қазақстан” акциясы мен “Заң мен тәртіп” қағидатын іске асыру аясында өңірде елді мекендердің санитарлық жай-күйіне бақылау күшейтілді. Полиция қызметкерлері көшелерді, саябақтар мен гүлзарларды ластау фактілерінің жолын кесу бойынша жүйелі жұмыс жүргізуде.
Облыста құқық бұзушылықтарды тәулік бойы тіркейтін 7 мыңнан астам бейнебақылау камерасы жұмыс істейді. Жыл басынан бері 500-ден астам адам әкімшілік жауапкершілікке тартылған. Полиция қаламыздың тазалығы — тек коммуналдық қызметтердің жұмысы емес, әрбір тұрғынның жеке жауапкершілігі екенін ескертеді.