Полиция абаттандыру талаптарының сақталуын қатаң бақылауға алды, – деп хабарлайды kazlenta.kz тілшісі Polisia.kz сайтына сілтеме жасап.
Қоғамдық тәртіпті қамтамасыз ету мақсатында полиция қызметкерлері абаттандыру ережелерін бұзу фактілерін анықтау бойынша тұрақты түрде рейдтер жүргізеді. Тексерулер орталық көшелерді де, елді мекендердің шеттерін де қамтиды. Полиция қызметкерлерінің айтуынша, рейдтер ең алдымен алдын алуға бағытталған. Азаматтар мен кәсіпкерлерге заңнаманың талаптары түсіндіріледі, бұзушылықтарды жоюға ескертулер мен нұсқамалар беріледі.
Полиция қызметкерлері тұрғындарды санитарлық нормаларды сақтауға, үй маңындағы аумақтарды таза ұстауға және бұзушылықтарға бей-жай қарамауға шақырады. "Заң мен тәртіп" қағидаты ішкі істер органдарының азаматтардың қауіпсіздігін қамтамасыз етуге, қоғамдық тәртіпті сақтауға бағытталған қызметінің негізі болып қала береді. Құқық бұзушылар өз әрекеттері үшін міндетті түрде жауап береді.