Алматы әкімі Дархан Сатыбалды Presight.AI компаниясымен ынтымақтастық туралы меморандумға қол қойды, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Құжат жасанды интеллект технологиясын енгізу және қаланы жүйелі цифрлық трансформациялау бағытын бекітеді. Бұл бірыңғай интеграцияланған басқару экожүйесін қалыптастыруды, ахуалдық орталықты және талдамалық платформаларды дамытуды қамтиды.
Әріптестік аясында AI деректер орталығын құру, қалалық жүйелерді біріктіру және Almaty AI Hub базасында технологиялық кеңсе ашу жобаларын пысықтау жоспарланған. Меморандумға қол қою қалалық басқарудың тиімділігін арттыруға және тұрғындардың тұрмыс сапасын жақсартуға бағытталған ұзақмерзімді стратегиялық ынтымақтастықтың бастауы ретінде қарастырылады.