2026 жылы 20 сәуір мен 6 мамыр аралығында Алматының сегіз ауданында жылу желілеріне гидравликалық сынақтар жүргізіледі. Бұл туралы «Алматы жылу жүйесі» ЖШС баспасөз қызметінің өкілдері мәлімдеді, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Магистральдық және тарату құбырларын тексеру барысында күн сайын таңғы сағат 04:00-ден 07:00-ге дейін қала тұрғындары мен қонақтарына қауіпсіздік шараларын сақтау ұсынылады.
Қауіпсіздік шаралары қабылданғанына қарамастан, судың жер бетіне шығуы, кейбір жол төсемінің бұзылуы сынды күтпеген жайттар болуы мүмкін.
Мұндай жағдайда ешқандай өз бетінше әрекет жасамай, дереу қауіпті аумақтан алыстап, төмендегі байланыс нөмірлеріне хабарласуыңызды сұраймыз:
«Алматы жылу жүйесі» ЖШС
Тел.: 378-06-48, 378-06-62
Call-орталық: 341-07-00, 341-07-77 (қосымша 1011 немесе 1014)
109 қызметі