Алдағы жылыту кезеңіне дайындықты бақылау аясында Энергетика вице-министрі Сұңғат Есімханов Ақтау қаласы мен "МАЭК" ЖШС жылу желілерін жөндеу нысандарын аралады, деп хабарлайды kazlenta.kz тілшісі ҚР Энергетика министрлігіне сілтеме жасап.
Негізгі назар магистральдық жылу желісін ауыстыру жобасына аударылды. "Магистральдық жылу желілерін реконструкциялау" жобасы аясында 2024 жылдан бастап "МАЭК"ЖШС магистральдық жылу желілерін жаңғырту жүргізілуде. Мәселен, өткен жылы 11,5 км магистральдық жылу желілері жаңғыртылды.
Биылғы жылы 9,9 км магистральдық жылу желілері жаңғыртылды. Бүгінгі таңда мердігерлік ұйымдар іргелес аумақты абаттандыру бойынша соңғы іс-шараларды жүргізуде.
Жобаны іске асыру жылумен жабдықтау сенімділігін едәуір арттыруға және жылу шығынын азайтуға мүмкіндік береді, бұл қала тұрғындары үшін үздіксіз және сапалы жылумен жабдықтауды қамтамасыз етеді.
ЖЭО-2 "МАЭК" ЖШС-де № 13 қазандық пен № 3 турбинаны жөндеуде а.ж. қазан айының ортасына дейін ЖЭС-те № 2 энергоблок жөнделді. Комитеттің аумақтық департаментіне жылу желілері мен жылу және электрмен жабдықтау объектілерінің негізгі жабдықтарына жөндеу жұмыстарын жүргізу барысына мониторингті тұрақты негізде жалғастыру тапсырылды, - делінген хабарда.