Алматы жастары үшін спорт және шығармашылық саласын қамтитын жобалар легі іске қосылады, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Алматыда жастарды шығармашылық, спорт және ұлттық дәстүр негізінде жан-жақты дамытуға қалалық бастамалар сериясы басталады. Бағдарлама аясында студенттер мен NEET санатындағы жастарды қосқанда ондаған мың жасты қамтитын жобалар жоспарланған. Жобалар шығармашылықты дамыту, бұқаралық және ұлттық спорт түрлерін насихаттау, сондай-ақ мәдени және рухани құндылықтарды нығайту сынды үш негізгі бағыт бойынша жүзеге асырылады.