Алматыдағы Бутаковка шатқалында жаңа «Бұтақты» визит орталығы ашылды. Жоба Іле-Алатауы ұлттық паркімен серіктестікте, Алматы әкімдігінің қолдауымен жүзеге асырылды, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Жаңа орталық аумағында тамақтану орны қарастырылған, сондай-ақ тимбилдинг пен шеберлік сабақтарын өткізуге арналған арнайы аймақ ұйымдастырылған. Сонымен қатар, ашық аспан астында білім беру және мәдени бағдарламаларды өткізуге арналған алаң бар. Келушілер үшін ұлттық саябаққа тиесілі кәдесыйлар мен фирмалық өнімдер сатылатын дүкен жұмыс істейді, әрі жаңартылған навигация жүйесі енгізілген. Бұдан бөлек, заманауи санитарлық нысандар да қарастырылған.
«Бұтақты» визит орталығы табиғат аясындағы демалысты жайлы ғана емес, жауапты, танымдық әрі экологиялық мәдениетке негізделген форматта ұйымдастыруға бағытталған жаңа кеңістік.