Алматының Қарасу шағын ауданында жаңа медициналық-санитарлық алғашқы көмек көрсету орталығы ашылды, ол бір ауысымда 200-ге дейін науқасты қабылдай алады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Енді Қарасу және Өжет тұрғындары үйлеріне жақын орналасқан заманауи әрі жайлы мекемеде медициналық қызмет ала алады.№25 қалалық емхананың филиалы болып табылатын орталық 18 мың адамға есептелген және онда учаскелік қызмет, арнаулы көмек, гинекологиялық және клиникалық-диагностикалық бөлімдер жұмыс істейді. Орталық УДЗ, ЭКГ және рентген сияқты заманауи жабдықтармен қамтамасыз етілген.Жаңа ғимарат мүмкіндігі шектеулі азаматтардың қажеттілігін де ескерген: пандустар, жеделсаты және бейімделген санитарлық тораптар қарастырылған. Бұл тұрғындардың өтініші бойынша қолға алынған шара болдыӘрі аудан тұрғындарына көрсетілетін медициналық қызметтің сапасын жақсартуға бағытталған.