Елордада жолдар, алаңдар және тротуарлар қар мен көктайғақтан үздіксіз тазартылып жатыр. Қаланың коммуналдық қызметтері күшейтілген тәулік бойғы режимде жұмыс істеп келеді, деп хабарлайды kazlenta.kz тілшісі қала әкімдігінің ресми сайтына сілтеме жасап.
14 қараша күні қала аумағынан 660 рейспен 8 мың текше метрден астам қар шығарылды.15 қарашаға қараған түні қар күреу жұмысына 251 жол жұмысшысы мен 487 бірлік арнайы техника тартылады.Коммуналдық қызметтер көктайғақтың алдын алуға ерекше көңіл бөледі: тұрғындардың қауіпсіз жүруін қамтамасыз ету үшін жолдар мен тротуарларға техникалық тұз себіледі.Айта кетейік, қыс басталғалы бері елордадан арнайы полигондарға 22 182 ауыр жүк көлігінің рейсімен 276 мың текше метрден астам қар шығарылды.Алдымен негізгі қалалық магистральдар мен қоғамдық көлік бағыттары тазартылады. Осыдан кейін қозғалысы орташа қарқынды учаскелер – аулалар, алаңдар, тротуарлар мен аялдамаларда тазалау жүргізіледі.Астана әкімдігі қала тұрғындары мен қонақтарына қауіпсіздік ережелерін сақтауды, жолдар мен тротуарларда барынша мұқият болуды, сондай-ақ ауа райы қолайсыз жағдайда алыс сапарларға шықпауды кеңес етеді.15-11-2025, 12:00
Астанада түнгі уақытта қар күреу жұмысына 500-ге жуық арнайы техника жұмылдырылады
Фото: Астана қ.әкімдігі
Егер мәтінде қате байқасаңыз, оны таңдап, Ctrl+Enter пернелерін басыңыз