Елорда коммуналдық қызметтері қар күреу жұмысын тәулік бойы, тоқтаусыз режимде жүргізіп жатыр, деп хабарлайды kazlenta.kz тілшісі Астана әкімдігінің ресми сайтына сілтеме жасап.
6 қараша күні қала аумағынан 9 561 текше метр қар, яғни 777 ауыр жүк көлігіне тең көлем арнайы полигондарға шығарылған. 7 қарашаға қараған түні қар тазалау жұмысына 287 жол жұмысшысы және мыңнан астам арнайы техника жұмылдырылды. Қыс маусымы басталғалы бері елордадан шамамен 13 мың текше метр қар шығарылған.Алдымен негізгі көше магистральдары мен қоғамдық көлік бағыттары қардан тазаланады. Кейін жұмыстар қозғалыс қарқыны орташа учаскелерде – аулаларда, алаңдарда, тротуарлар мен аялдамаларда жүргізіледі.Астана әкімдігі қала тұрғындары мен қонақтарын қауіпсіздік ережелерін сақтауға, жолдар мен жаяу жүргінші аймақтарында аса мұқият болуға, сондай-ақ ауа райы қолайсыз кезінде алыс жолға шықпауға шақырады.Бүгін, 09:00
Астанада түнгі уақытта қар тазалау жұмысына мыңнан астам арнайы техника жұмылдырылды
Фото: Астана қ.әкімдігі
Егер мәтінде қате байқасаңыз, оны таңдап, Ctrl+Enter пернелерін басыңыз