11 қарашадан 12 қарашаға қараған түні Астанада 1200-ден аса арнайы техника мен 300-ден аса жол жұмысшысы қар тазалауға шықты. Коммуналдық қызметтер тәулік бойы жұмыс істейді, деп хабарлайды kazlenta.kz тілшісі елорда әкімдігінің ресми сайтына сілтеме жасап.
Күндізгі ауысымда коммуналдық қызметтер елордадан 24 мың текше метрден астам қар шығарды, бұл 1800-ден астам ауыр жүк көлеміне тең. Қысқы кезеңнің басынан бері 6 мыңға жуық рейс қар полигондарына шығарылды, бұл – 81 мың текше метрден астам қар.11 қараша күні түстен кейін елорда бойынша қар тазалауға 1,3 мыңнан астам арнайы техника мен 2,4 мыңнан астам жол жұмысшысы жұмылдырылды.Ережелерге сәйкес, ең алдымен жолдарда кептеліс болмас үшін өте қарқынды қозғалыс аймақтары тазартылады. Сондай-ақ орташа қарқындылығы бар учаскелер-алаңдар, вокзал маңы аумақтары, тротуарлар, әлеуметтік нысандарға кірме жолдар және т. б. орындар қардан тазартылады. Астананың коммуналдық қызметтері тәулік бойы күшейтілген режимде жұмыс істейді.12-11-2024, 09:15
Елордада түнгі ауысымда қар тазалауға 1,2 мыңнан аса арнайы техника шығарылды
Фото: Астана қ.әкімдігі
Егер мәтінде қате байқасаңыз, оны таңдап, Ctrl+Enter пернелерін басыңыз