Елордада қар тазалау жұмыстарына 2,5 мыңнан астам жол жұмысшысы жұмылдырылды, деп хабарлайды kazlenta.kz тілшісі Астана әкімдігінің ресми сайтына сілтеме жасап.
14 наурыз күні таңертең елорда көшелерін қар мен мұздан тазартуға 1200-ге жуық арнайы техника мен 2,5 мыңнан астам жол жұмысшысы шықты.13 наурыздан 14 наурызға қараған түні елордадан 1 500-ге жуық ауыр жүк, яғни 20 мың текше метрден астам қар шығарылды.Қыс басынан бері полигондарға барлығы 462,7 мың жүк көлігінің көлеміне тең 6,26 млн текше метр қар жеткізілді.Қалада қар тазалау тәулік бойы жүргізіледі. Бірінші кезекте орталық көшелер, жолаушылар көлігі маршруттары, аялдамалар мен тротуарлар тазаланады.Көктайғақ кезінде қала тұрғындарының ыңғайлы қозғалысы үшін жолдарға, тротуарлар мен көшелерге құм-тұз қоспасы себіледі. Автокөлік жүргізушілерінен жолда мұқият болу, жылдамдық режимін сақтау сұралады.14-03-2024, 12:16
Бір түнде Астанадан 20 мың текше метрден астам қар шығарылды
Фото: Астана қ.әкімдігі
Егер мәтінде қате байқасаңыз, оны таңдап, Ctrl+Enter пернелерін басыңыз