Қазақстан Республикасының Премьер-министрі Олжас Бектенов Ресей Федерациясы Үкіметі Төрағасының орынбасары Дмитрий Чернышенкомен кездесті, деп хабарлайды kazlenta.kz тілшісі Үкіметтің баспасөз қызметіне сілтеме жасап.
Онда цифрландыру, инновация, спорт, туризм және білім беру салаларындағы екіжақты ынтымақтастық мәселелері қаралды.
Кездесу қатысушылары Қазақстан Президенті Қасым-Жомарт Тоқаев пен Ресей Президенті Владимир Путин арасындағы сенімді диалог пен тұрақты байланыстардың арқасында екі ел арасында орныққан экономикалық және мәдени-гуманитарлық қарым-қатынастарды атап өтті. Қазіргі таңда ынтымақтастық стратегиялық серіктестік пен одақтастық аясында дамып келеді.
2025 жылғы қаңтар-маусым аралығында екі ел арасындағы тауар айналымы $12 млрд-қа жетті. Мемлекет басшыларының тапсырмасына сәйкес өзара сауданы $30 млрд-қа дейін ұлғайту бойынша жоспарлы жұмыс жүргізілуде.
Сапар барысында Дмитрий Чернышенко бірнеше нысандарға баруды жоспарлап отыр. Оның ішінде Л.Н. Гумилев атындағы Еуразия ұлттық университеті, сондай-ақ ММУ мен ММХҚИ-дың қазақстандық филиалдарының қызметімен танысу да қарастырылған.