Әкім Дархан Сатыбалды «Атакент» қазақстандық іскерлік ынтымақтастық орталығын жаңғырту жобасымен танысты. Қайта құру 2025 жылдың шілде айынан бастап кезең-кезеңімен жүргізіледі, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
74 мың м² жол мен тротуарды көріктендіру, 170 мың м² жасыл аймақты абаттандыру, жарық шамдары, көше жиһаздары, спорт алаңдары, модульді әжетханалар мен автоматтандырылған суару жүйесін орнату жоспарланған. «Атакенттің» субұрқақ кешені қаладағы ең көрікті орындардың біріне айналуы керек. Бұл жобаның жүрегі болмақ», - деп қала басшысы жұмыстың мерзімі мен сапасын сақтаудың маңыздылығын атап өтті.Аумақ мегаполис тұрғындары мен қонақтары үшін демалуға жайлы әрі заманауи орынға айналады.
