Алматыда радон суына бай «Алма-Арасан» бұлағына баратын бағытта кешенді жаңғырту жұмыстары қызған, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
2025 жылы 12 мамырдан бастап тұрақтан бұлаққа дейінгі жолды жаңарту жұмыстары басталды. Жоба аясында беткейлерді бекіту, көпірлерді қайта жөндеу, демалушыларға жайлы орындар жасау көзделіп отыр.Бұлақ маңында тас құлау қаупінің алдын алу мақсатында қауіпсіздік шаралары қолға алынған: беткейлер тазартылып, жердің орнықтылығын күшейту үшін анкерлік жүйелер орнатылып жатыр.Жөндеу жұмыстары 2025 жылы шілденің соңына дейін аяқталады деп жоспарланған. Бірақ ауа райының қолайсыздығына байланысты мерзім өзгеруі мүмкін. Жаңғырту аяқталған соң бұл бағыт туристер үшін бұрынғыдан да қауіпсіз, жайлы әрі экологиялық таза болмақ.
