Қостанай облысында полиция жол қозғалысы ережелерінің сақталуын дрон арқылы бақылайды, - деп хабарлайды kazlenta.kz тілшісі Polisia.kz сайтына сілтеме жасап.
Қостанай облысында автожолдардағы қозғалыс қауіпсіздігін қамтамасыз ету мақсатында пилотсыз ұшу аппараттары арқылы жол жағдайын әуеден бақылау жалғасуда. Бұл тәжірибе 2023 жылдың тамыз айынан бастап енгізіліп, бүгінде оң нәтижелер беріп келе жатыр. Полиция қызметкерлерінің айтуынша, дрондардың көмегімен жол қозғалысы ережелерін өрескел бұзу аса қауіпті және көбіне ауыр жол-көлік оқиғаларына себеп болады. Әуе бақылауы прокуратура, төтенше жағдайлар департаменті мен полицияның бірлескен ведомствоаралық ынтымақтастығы аясында жүзеге асырылып жатыр.
Негізгі назар республикалық маңызы бар жолдардағы апатты-қауіпті учаскелерге аударылып отыр. Жол қозғалысын бақылауда облыстық ТЖ департаменті мен полиция қызметіндегі пилотсыз ұшу аппараттары бірдей қолданылады. Бұл техника жол қозғалысы ережелерін бұзу фактілерін дәл және жедел тіркеуге мүмкіндік береді. Дрондар тек қарсы жолаққа шығу сынды ірі құқық бұзушылықтарды ғана емес, сондай-ақ жол белгілерін елемеу, қауіпсіздік белдігін тақпау, көлік жүргізу кезінде ұялы телефонды пайдалану секілді басқа да заң бұзушылықтарды тіркеп отыр.