Маңғыстау облысының полиция департаменті жол қозғалысын бақылауды дрондардың көмегімен күшейтеді, – деп хабарлайды kazlenta.kz тілшісі Polisia.kz сайтына сілтеме жасап.
Маңғыстау облысының полиция департаменті республикалық трассалар мен өңірлік автожолдардағы жол жағдайын бақылау үшін дрондарды пайдаланады. Ұшқышсыз ұшу аппараттары жол қозғалысы ережелерін бұзу фактілерін тіркейтін болады. Атап айтқанда, жылдамдықты асыру, қарсы қозғалыс жолағына шығу, басып озу ережелерін бұзу және басқа да қауіпті маневрлер анықталады. Бұл жол қауіпсіздігін арттырып, құқық бұзушылықтарға жедел әрекет етуге және жол-көлік оқиғаларының алдын алуға мүмкіндік береді. Полиция барлық жол қозғалысына қатысушыларды жол ережелерін қатаң сақтауға шақырады.20-02-2025, 09:44
Маңғыстау облысында жол-көлік қозғалысы дронмен бақыланады
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз