Алмалы ауданындағы №136 гимназия мектебі 35 жылда алғаш рет жаңартылды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Ғимарат тек күрделі жөндеуден өтіп қана қоймай, сейсмикалық тұрақтылыққа да күшейтілді. Қазіргі уақытта мектепте 750 оқушы білім алуда. Сыныптар интерактивті панельдермен және жаңа жиһаздармен жабдықталған. Сонымен қатар үйірме кабинеттері мен спорт алаңдары жаңартылып, мектеп аумағы көгалдандырылып, жайлы демалыс орнына айналды.Қала әкімі Ерболат Досаев жұмыс сапары барысында жаңартылған ғимаратты қарап шықты. Әкім білім беру мекемелерін жаңғырту – негізгі басымдықтардың бірі екенін атап өтті. Соңғы жылда Алматыда сейсмикалық төзімділігі арттырылған сегіз мектеп жөнделді. Жоспарға сәйкес, жаңа оқу орындары салынып, мектепке дейінгі орындар көбейтіледі.Сонымен қатар, қала басшысы жаңа SANA URPAQ балабақшасына да барды. Балабақша 11 топқа арналған және балалардың білім алуы мен дамуына заманауи технологиялармен жабдықталған.21-11-2024, 19:34
Алматы әкімі: білім беру – біздің басты басымдығымыз
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз