Пәкістан Ислам Республикасымен әскери білім беру және кадрлар даярлау саласындағы әскери ынтымақтастық шеңберінде Қазақстан Республикасының Тұңғыш Президенті – Елбасы атындағы Ұлттық қорғаныс университетінде «Пәкістанның әскери өнері» аудиториясының салтанатты ашылуы рәсімі өтті, деп хабарлайды kazlenta.kz.
Аудиторияның ашылуына ҚР ҚК Бас штабы мен Ұлттық қорғаныс университетінің басшылығы, сондай-ақ Қазақстанға ресми сапармен келген Пәкістан Ислам Республикасы Қарулы Күштері Штабтар бастықтары біріккен комитетінің төрағасы генерал Надим Раза қатысты. Ол университеттің оқу-материалдық базасымен және ғылыми-зерттеу қызметімен танысты.
Ұлттық қорғаныс университеті бастығының орынбасары полковник Амангелді Тоғысовтың айтуынша, аудитория заманауи оқу құралдарымен жабдықталған. Оқу процесін ұйымдастыруға жаңаша көзқараспен қарауға, сондай-ақ оның сапасы мен творчестволық қабілетін арттыруға ықпал етуге барлық жағдай жасалған.