Шанхайда Алматы әкімі Ерболат Досаев пен қаланың мэрі Гун Чжэн кездесті, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Тараптар экономикалық, инвестициялық және мәдени ынтымақтастықты талқылады. Жалпы өңірлік өнімі 750 миллиард доллардан асатын Шанхай мен Алматы 2030 жылға дейінгі ұқсас даму стратегияларын ұстанады: полицентрлік даму, экономикалық тұрақтылық, бизнес пен халық үшін қолайлы орта құру, қауіпсіз көлік жүйесін дамыту. Келіссөз барысында тараптар Алматы мен Шанхай арасындағы қарым-қатынастардың жаңа кезеңі болатын бауырлас қалалар туралы келісімге қол қоюға дайын екендіктерін білдірді. Сондай-ақ, 2025 жылы China Eastern Airlines әуе компаниясының Алматы – Шанхай тікелей әуе қатынасын ашу мәселесі талқыланды. Қазіргі уақытта бұл мәселе Қытайдың Азаматтық авиация ұлттық қызметі тарапынан қарастырылып жатыр.19-02-2025, 17:37
Алматы мен Шанхай серіктестікті нығайтады
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз