Алматы әкімі Ерболат Досаев пен Pacific Construction Group компаниясының президенті Сонг Шаотин көлік инфрақұрылымы (BRT, LRT, Metro), сумен жабдықтау, су бұру нысандарын салу және т.б. салалардағы инвестициялық ынтымақтастықтың мүмкіндіктерін талқылады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Кездесу барысында Алматы қаласы мен Қытай Халық Республикасы арасында достық және серіктестік қарым-қатынас орнағаны атап өтілді. 2023 жылы Алматы мен Қытай арасындағы тауар айналымы 22% ұлғайып, 9,4 млрд. АҚШ долл. (2022 ж. - 7,7 млрд. АҚШ) болды. Бүгінде шаһарда қытай капиталының қатысуымен 1 914 кәсіпорын жұмыс істейді (ҚР – 3 427 кәсіпорын).Кездесу қорытындысы бойынша тараптар екіжақты қарым-қатынасты одан әрі нығайтуға және өзара тиімді серіктестікке дайын екендіктерін білдірді. Pacific Construction Group – ҚХР-дағы ең ірі жеке құрылыс компаниясы. Қызметтің негізгі бағыты – ірі инфрақұрылымдық жобаларға инвестиция салу.29-05-2024, 11:51
Алматы әкімі Pacific Construction Group қытай компаниясының президентімен кездесті
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз