2024 жылы Алматының индустриалды аймағы аумағында 10 жаңа жоба іске қосылды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Жалпы инвестиция көлемі 25,17 млрд теңге болып, 1 319 жаңа жұмыс орны ашылды. Олардың ішінде 5 жоба – өндірістік кәсіпорындар. Атап айтқанда, тұрмыстық химия, банк карталары, темірбетон бұйымдары, автомобильдерге арналған электрондық жабдықтар мен кабель-өткізгіш өнімдерін өндіретін зауыттар. Сонымен қатар, 2024 жылы ауданы 3000-нан 5100 шаршы метрге дейінгі 5 шағын өнеркәсіптік парк салынды, оларды салуға 2,27 млрд теңгеден астам инвестиция тартылды. Мұнда 614 жұмыс орны ашылады деп жоспарланып отыр. Алматының индустриалды аймағының қатысушылары құны 556,8 миллиард теңге болатын 107 компания ашып, 14 496 жұмыс орнын құрған. 2016-2024 жылдар аралығында құны 139,1 миллиард теңге болатын 40 жоба жүзеге асырылып, 4 403 жұмыс орны ашылды.10-01-2025, 12:34
Алматының индустриалды аймағында 10 жаңа жоба жүзеге асты
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз