Алматыда қала әкімі Ерболат Досаевтың қатысуымен өткен кеңесте 2024-2025 жылдардағы жылыту маусымының барысы талқыланды, деп хабарлайды kazlenta.kz тілшісі Үкіметтің баспасөз қызметіне сілтеме жасап.
Шаһарда жылу беру маусымы қазанның басында басталды. Жүйеге 8 863 тұрғын үй, 404 білім беру мекемесі және 128 медициналық ұйым қосылған. Жылу мен электр қуаты тұрақты түрде жеткізіліп, температуралық режим сақталып отыр. Айта кету керек, қалада 85 қазандық жұмыс істейді, ал жылу желілерінің ұзындығы 1 385,3 км. Қазір ешқандай ақау тіркелмеген. Жылыту маусымына дайындық аясында 23 жылу желісі нысаны жаңартылды. «Алматы электр станциялары» АҚ нысандарында жөндеу жұмыстары аяқталды, қазандықтар мен турбоагрегаттар жаңартылды. Мазут қоры 140%, көмір қоры 179% деңгейінде қамтамасыз етілген. Апаттың алдын алу үшін 104 апаттық бригада 100-ден астам техникамен жұмыс істеп жатыр. Барлық коммуналдық қызмет жоғары дайындық режимінде жұмыс істеуге көшкен.8-01-2025, 16:50
Алматыда жылыту маусымы штаттық режимде өтіп жатыр
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз