Жетісу облысында 100 келіден астам балықты заңсыз аулаған браконьер ұсталды, – деп хабарлайды kazlenta.kz тілшісі Polisia.kz сайтына сілтеме жасап.
Табиғатты қорғау полициясының қызметкерлері Лепсі өзенінің бойында рейдтік іс-шаралар өткізіп, оның барысында балық ресурстарын заңсыз аулау фактісі анықталды. Тыйым салынған балық аулау құралдарын пайдаланып браконьерлікпен айналысқан Талдықорған қаласының 33 жастағы тұрғыны ұсталды.
Бұзушыдан ұзындығы 100 метр және ені 5 метр 8 балық аулауға арналған тор, 16 темір тор, сондай-ақ қайық тәркіленді. Сонымен қатар браконьерден 100 келіден астам балық табылды. Алдын ала есептеулер бойынша табиғатқа келтірілген залал шамамен 777 мың теңгені құрайды.
Табиғатты қорғау қызметтері еске салады: браконьерлік экожүйеге елеулі зиян келтіріп қана қоймайды, сонымен қатар заңнаманы бұзып, үш жылға дейін бас бостандығынан айыру жауапкершілігін қарастырады. Балық аулау торларын пайдалануға тыйым салынады, себебі мұндай әдістер балық популяциясына қауіп төндіреді және табиғи тепе-теңдіктің бұзылуына әкеледі.