Алматыда мәслихаттардың 30 жылдығына арналған ғылыми-тәжірибелік конференция өтті, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Іс-шараға Алматы әкімі Ерболат Досаев, Сенат пен Алматы мәслихатының депутаттары, сондай-ақ қоғам және саясат қайраткерлері қатысты.Қала әкімі 2022 жылғы конституциялық өзгерістерден кейін мәслихаттардың рөлі айтарлықтай артқанын атап өтті. 2023 жылы мәслихат сайлауы жаңа ережелер бойынша өтті: депутаттық құрам 67%-ға жаңарды, оның жартысы партиялық тізімнен, ал қалған жартысы өзін-өзі ұсынғандар. Қала басшысының айтуынша, әкімдік пен мәслихаттың бірлескен жұмысы нәтижесінде 20-дан астам стратегиялық құжат қабылданды. Олардың қатарында көркейтудің жаңа ережесі, жасыл желекті қорғау, тұрғын үйді жаңарту бағдарламасы және т.б. маңызды құжаттар бар.Алматы болашақта жайлы өмір сүру ортасы, қауіпсіздік деңгейі жоғары, сондай-ақ әлемнің түкпір-түкпірінен инвестиция мен талант тарту әлеуетімен ерекшеленетін заманауи мегаполиске айналады. Іс-шара соңында Ерболат Досаев депутаттарды құттықтап, алғыс хаттар табыстады.26-12-2024, 09:22
Алматыда мәслихаттардың 30 жылдығына арналған ғылыми-тәжірибелік конференция өтті
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз