Алматыда көріктендірудің жаңа ережесі бекітілді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қала мәслихатының депутаттары шаһардың жай-күйі үшін тұрғындардың жауапкершілігін арттыруға арналған көріктендірудің жаңа ережесін қабылдады.Депутат Әсия Ақанова бұл бастама әкім Ерболат Досаев қолдаған «Алматы – біздің ортақ үйіміз» науқанын жүзеге асырудағы қисынды қадам болғанын айтты.Жаңа ережеге сәйкес мәдени-бұқаралық іс-шараларды ұйымдастырушылар арттарын тазалауға міндетті. Бұл талай ірі оқиға болатын Алматы үшін маңызды. Депутат сондай іс-шарадан кейін жасыл желектің зардап шегетінін, сондықтан мұндай өзгерістің қажет екенін атады. Сондай-ақ, шағын және орта бизнестің жауапкершілік қағидасы жазылған. Қалалық ортаны жақсартуға бағытталған ғимараттардың сыртқы келбетіне және инклюзияға қойылатын талаптар әзірленді.Биыл 19 шілдеде қабылданған бұл шаралар қауіпсіз әрі ыңғайлы өмір сүруге қолайлы қалалық ортаны құруға бағытталған.22-07-2024, 11:25
Алматыда көріктендірудің жаңа ережесі бекітілді
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз