Әуезов ауданында күрделі жөндеуден кейін 6 қараша күні №9 мектеп ашылды, деп хабарлайды kazlenta.kz Алматы қаласы әкімдігінің баспасөз қызметіне сілтеме жасап.
Бұл ғимарат жарты ғасырдан астам уақыт бұрын салынған. Бірақ 20 жыл бойы жөндеу жүргізілмеген соң күрделі жөндеу жұмыстарын қажет етті. Енді жаңартылған мектепте оқушылар қайтадан білім алып жатыр. Қала әкімі Ерболат Досаев жөндеуден өткен мектепті арнайы барып көрді. Алдыңғы жұмыс сапары кезінде әкім мердігерге бірқатар тапсырма берген болатын.Ескерту негізінде ғимаратқа сейсмикалық күшейту жұмыстары жүргізілді, мектептің шатыры, жылу және сумен жабдықтау жүйелері жаңартылды, аула көріктендіріліп, стадион заманауи талаптарға сай қайта құрылды. Мектепте шағын футбол және баскетбол алаңдары, жаттығу құралдары және белсенді ойындарға арналған аймақтар жасақталды.«Әлеуметтік инфрақұрылымды дамыту, мектептер мен балабақшаларды салу және жаңарту – біздің жұмысымыздағы басты басымдықтың бірі», - деп қала басшысы мұндай өзгерістің маңыздылығын атады.Бүгінде Әуезов ауданында 55 мектеп бар, оның 33-і мемлекеттік және 22-сі жеке меншік, онда 59 мың оқушы білім алып жатыр.