Алматыда кәсіпкерлер енді өз аумақтарын абаттандыруға қамқорлық жасауға міндетті! «Таза Қазақстан» бағдарламасы аясында қалалық нысандарды паспорттау басталды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Әрбір бизнеске тәртіп пен тазалықты сақтау жөніндегі талаптар көрсетілген абаттандыру паспорты беріледі. 5 590-нан астам нысан паспорттауға жатады және олардың 342-сі рәсімделген. Жұмыстар келесі жылдың сәуір айында аяқталады. Құжатқа әкімдік пен кәсіпкер арасында қол қойылады, бұл процесті икемді және ашық етеді. Аудан әкімдіктері нормалардың сақталуын қадағалайтын болады, ал бұзушылықтар үшін айыппұлдар көзделген.Сондай-ар ақ, жаңа ережелер бұқаралық іс-шараларды өткізетін ұйымдарға қатысты-олар концерттер мен фестивальдерден кейін арттарын тазалауға міндетті. Бағдарлама Алматының барлық тұрғындары үшін жайлы және экологиялық таза қалалық орта құруға бағытталған.Бүгін, 11:40
Алматы кәсіпкерлері абаттандыру паспорттарын алады
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз