Биыл балалардың қатысуымен Павлодар облысы аумағында 160 жол-көлік оқиғасы тіркелді, онда 3 кәмелетке толмаған қаза тауып, 180 бала жарақат алды, – деп хабарлайды kazlenta.kz тілшісі Polisia.kz сайтына сілтеме жасап.
Павлодар облысының полициясы балалардың жолдағы қауіпсіздігі мәселелері бойынша брифинг өткізді.
Биыл балалардың қатысуымен Павлодар облысы аумағында 160 жол-көлік оқиғасы тіркелді, онда 3 кәмелетке толмаған қаза тауып, 180 бала жарақат алды. Кәмелетке толмағандардың кінәсінен 11 жол-көлік оқиғасына жол берілді.
– Кәмелетке толмағандардың қатысуымен болған ЖКО өсуінің негізгі себептерінің бірі – жолдың жүріс бөлігінің белгіленбеген жерден өтуі – деп атап өтті Павлодар облысы ПД жергілікті полиция қызметі басқармасының бастығы Қуаныш Мұстафинов.
Сондай-ақ спикер мұғалімдер мен полиция қызметкерлері тұрақты негізде жол жүру ережелерін сақтау бойынша дәрістер өткізетінін хабарлады. Жалпы білім беретін мектептердегі оқу-тәрбие үдерісі шеңберінде балаларды құқықтық тәрбиелеуге ерекше назар аударылады, оның негізгі мақсаты теориялық білім алу және көше мен жолдарда қауіпсіз жүріс-тұрыстың тұрақты дағдыларын қалыптастыру болып табылады. Таңертең және түскі уақытта мектептердің жанында жол қауіпсіздігінің алдын алу үшін автопатрульдер қойылады.
Кездесу соңында спикер балалардың жолдағы қауіпсіздігі көп жағдайда ата-аналарға байланысты екенін атап өтті. Өйткені балалар ересектердің тәртібін қайталайды және олардың пікірін тыңдайды. Спикер жол қозғалысының барлық қатысушыларын жол ережелерін сақтауға және жас ұрпақты қорғауға шақырды. Жүргізушілер жылдамдық режимін, қашықтықты сақтауы керек. Сондай-ақ балалар оқу орындарының, жаяу жүргіншілер өткелдерінің және қоғамдық көлік аялдамаларының жанында барынша мұқият болу керек.