2020 жылдың қаңтар-желтоқсан айларында жеңіл өнеркәсіп өндірісінің көлемі 15% - ға өсіп, 128,7 млрд. теңгені құрады. Өсім аталмыш бағыттың барлық ішкі салаларында байқалады: мысалы, тоқыма бұйымдары өндірісінде 4,5% - ға, киім өндірісінде 5,5% - ға, сондай-ақ былғары және оған жататын өнімдер өндірісінде 131,1% - ға, деп хабарлайды kazlenta.kz.
Өткен жылы 1,606 млрд. теңге инвестиция сомасына 6 жоба іске қосылып, 1145 жұмыс орны құрылды. Олардың ішінде "Turkistan Textile" ЖШС тігін бұйымдарының өндірісі, "Бал Декор" ЖШС кілем бұйымдарының өндірісі, "В.А. E. R" ЖШС дәке таңу материалдарының өндірісі, "DALSAN (ДАЛСАН)" ЖШС ылғалды майлықтар өндірісі, "СП "LUX SHOES" ЖШС табан өндірісі, сондай-ақ "FIBC Kazakhstan" ЖШС пішу цехы және "Кублей" ЖШС тері өңдеу цехы бар.
Бұдан бөлек, 2020 жылы халықты бетпердемен қамтамасыз ету үшін өндіріске 70-тен астам тігін кәсіпорындары тартылды: "Dalatex" ЖШС (Қызылорда қ.), "Большевичка" ЖШС (Қостанай қ.), "Эко-Фарм" ЖШС (Шымкент қ.), "Ас Фарм" ЖШС (ШҚО), "Тыныс" АҚ (Көкшетау қ.), "КазЛегПром" ЖШС (Алматы қ.), "Жанарыс" ЖШС (Маңғыстау обл.) және т. б. селдір матадан және бөзден күніне 700 мың бетперде әзірлейді.
Тігін кәсіпорындарын шикізатпен қамтамасыз ету мақсатында "Azala Textile" ЖШС қуаттылығы тәулігіне 10,0 мың м.б. селдір мата шығаратын 9 станок іске қосылды. Өндірістік кезең мемлекетаралық талаптарға сәйкес жолға қойылған. Сондай-ақ, кәсіпорын тығыздығы төмен ағартылған мақта матасын (бөз, миткал) шығарады.
Өткен жылдың ақпан айында Қазақстан Республикасында мақта-тоқыма кластерін құру жөніндегі жол картасы бекітілді. "Альянс" ТПК және "Azala Textile" ЖШС тоқыма кәсіпорындарын "Оңтүстік"АЭА субаймақтарына қосу бойынша жұмыс жүргізілуде. Бұған дейін 2019 жылы жеңіл өнеркәсіп саласы қызметінің түрлері "Астана жаңа қала"АЭА қызметінің басым түрлерінің тізбесіне енгізілген болатын.
ЕАЭО алаңында одан әрі пысықтау үшін жеңіл өнеркәсіп кәсіпорындары пайдаланатын шикізатқа (маталар, жіптер, фурнитура және т.б.) кедендік әкелу баждарын төмендету мәселесі қарастырылуда.
Министрлік аяқ киім тауарларын таңбалау және бақылау бойынша пилоттық жобаны іске асыруда. Тиісті жол картасы, сондай-ақ аяқ киім тауарларын таңбалау және қадағалау бойынша пилоттық жобаны жүргізу бойынша әдістемелік ұсынымдар бекітілді. Бұдан бөлек, жеңіл өнеркәсіптің кейбір тауарларын таңбалау бойынша ұқсас пилоттық жоба басталды.
Айта кету керек, 2021 жылы 274 жұмыс орнын құрумен 5,429 млрд.теңге инвестиция сомасына 5 жобаны іске асыру жоспарланып отыр. 2020 жылғы 1 желтоқсандағы деректер бойынша салада 1210 кәсіпорын жұмыс істейді, оның ішінде 97% - шағын кәсіпорындар, салада жұмыспен қамтылғандар саны 20,6 мың адамды құрайды.