Түркістан облысына тартылған инвестиция көлемі 66,7%-ға артып, республика бойынша бірінші орында тұр. Облыс экономикасын дамытуға 11 айда 551,8 млрд. теңге инвестиция бағытталды, деп хабарлайды kazlenta.kz.
Биыл негізгі капиталға салынған инвестициялардың едәуір үлесі құрылыс, өнеркәсіп, өнер, ойын-сауық, демалыс, көлік және жинақтау салаларына келеді. Тұрғын үй құрылысын дамытуға 76,3 млрд. теңге инвестиция бағытталған. Бұл өткен жылдың сәйкес кезеңімен салыстырғанда 146,5% -ға өскен.
Түркістан облысының сыртқы сауда айналымының көлемі 324,3 млн. АҚШ долларын құрады. Бұл өткен жылдың сәйкес кезеңінен 111,1% артық. Оның ішінде экспорт 122,1%-ға өсіп, импорт көлемі 66,5 млн. АҚШ долларын құрады.