Үкіметте ҚР Премьер-Министрі Әлихан Смайыловтың төрағалығымен Энергетикалық кеңестің кезекті отырысы өтті, деп хабарлайды kazlenta.kz.
Қатысушылар жоғары деңгейде өңделген өнім шығаратын кластерлер құру аясында жаңа инвестициялық жобаларды газбен жабдықтау, ішкі нарыққа тұрақты түрде газ жеткізу, сондай-ақ тиісті энергетикалық инфрақұрылымды кеңейту және жаңғырту мәселелерін талқылады.
Сонымен қатар мұнайды магистральдық құбырлар арқылы ішкі нарыққа тұрақты түрде және апатсыз тасымалдауды қамтамасыз ету мәселелері қаралды.
Талқылау қорытындысы бойынша Премьер-Министр мемлекеттік органдарға жұмыс бабындағы бірқатар тапсырма берді.