Шымкентте 2026 жылға дейін агроөнеркәсіп кешенін дамыту аясында жалпы құны 61 млрд теңгеге 45 жоба жүзеге асырылмақ. Осының негізінде мегаполисте ауылшаруашылық бағытындағы өнім көлемі артады.
Қазірдің өзінде шаһар ет-сүт және құс етімен өзін-өзі қамтуға толық қауқарлы. Қала бері алдағы үш жылдың көлемінде мегаполисте қай та өңдеу бағытында 13 жоба жүзеге асырылмақ. Сегіз жылыжай кешені салынып, тағы осынша жеміс және көкөніс қоймасы ашылады. Құс етін өндіру, ірі қара мал бордақылау бекеттері мен қарқынды бау қолға алынады. Осының негізінде 1500-ге тарта жаңа жұмыс орындарын ашу ісі жоспарланып отыр.
Шымкент қаласы ауыл шаруашылығы және ветеринария басқармасының басшысы Абунасыр Жанбатыровтың айтуынша, биыл 13 млрд. теңгенің 16 инвестициялық жобасын қолға алу көзделген. Қазір 11 жоба жүзеге асырылып, 111 жаңа жұмыс орны ашылған.
Жыл соңына дейін сүт бағытындағы алты жоба, 2 жылыжай, 2 қойма сынды бірқатар жобалар қолға алынады. Соның нәтежиесінде 262 жаңа жұмыс орны ашылмақ. Сондай-ақ, ауылшаруашылығы капиталына 6 млрд, тамақ өнімдеріне 7 миллиард теңгеге жуық қаржылай инвестиция тарту жоспарланып отыр. Қазіргі таңда елімізде агроөнеркәсіп саласында еңбек ететін кәсіпкерлерді қолдау бағытында ауқымды мемлекеттік бағдарламалар іске асырылып жатыр. Олар шаруаларын дөңгелетіп әкеткенше, түрлі сала аралық жеңілдіктер, салық және жер телімдері бойынша негізделген кешенді көмектер беріледі.