Қазақтың Тұңғыш режиссері Жұмат Шаниннің атын иемденген таңдаулы театрда қазір қызу дайындық жұмыстары жүріп жатыр. Тоқсан жылдық қарсаңындағы қарбалас, ұжым әртістері үлкен дайындықты бастап кеткен. Ағымдағы жылға жоспарланған екі қойылымның біреуі көрерменге жол тартып таүлгерді. Әртістер мерейтой аясында Халықаралық фестиваль ұйымдастырмақ ниетте.
Кезекті маусым «Серінің сергелдеңі» спектаклімен ашылып, өнер ордасы бүгін «Өлдік те құрметті болдық» қойылымын да сахналады. Қазақтың маңдай алды өнер майталмандары өнер көрсеткен туындылар көрерменнің жүргеніне жол тауып, халықтың қошеметіне ие болды. Театр өзге де өнер ұжымдарымен шығармашылық байланысты. Мәдени жаңғырып, қазақтың төл туындыларын танытудан бөлек, өзге ұлттың шығармаларын сомдауда да көш бастап келеді.
Шымкент қалалық академиялық қазақ драма театры директорының орынбасары Алмас Шынәливтің айтуынша, ғасырға жуық ғұмыры бар театр – қарашаңырақ ретінде қалыптасқан киелі өнер ордасы. Мегаполистің мәдениеті мен әдебиетін жаңғыртып, жаңа бағытта өткізілгелі отырған фестивальге алыс-жақын ше елдерден театр майталмандары да шақырылмақ. Олар өзара тәжірибе алмасып, театр жанрын дамытудағы заманауи тетіктерді талқыламақ. Ұжым осы арқылы шаһардың мәдени әлеуетіне тағы бір серпін бермек ниетте.
Айта кетейік, өнер ордасы 1934 жылы "Шымкент облыстық біріккен драма театры" аталып, құрылды. Режиссері әрі көркемдік жетекшісі М.В. Дроздин болды. Алғаш рет Гүзейра Жасақбаеваның сол кезеңдегі өзгерістерді бейнелейтін «Законы эпохи» пьесасымен сахна шымылдығы көтерілген болатын.