“Қарасора – 2023” жедел-профилактикалық іс-шарасын жүргізу барысында Бәйтерек аудандық полиция бөлімінің қызметкерлері Шаған ауылында заңсыз есірткі өсімдігін өсірумен айналысқан 58 жастағы тұрғынды анықтады, – деп хабарлайды kazlenta.kz тілшісі Polisia.kz сайтына сілтеме жасап.
Оның үй-жайын берілген рұқсат арқылы тінту кезінде үйінің ауласынан өсірілген және өсіру іздері бар 2 түп қарасора тұқымды өсімдік, үйдің жанында құрылыс жүріп жатқан жерде ерекше иісі бар сұр-жасыл түсті өсімдік салынған пакет табылды. Өсімдіктердің жалпы салмағы – екі келі.
Тәркіленген заттай айғақтар сараптамаға жіберілді.
Аталған факті негізінде ҚР ҚК-нің 300-бабына (Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру) сәйкес сотқа дейінгі тергеу жұмыстары басталды.