Биылғы 5 қаңтарда Ұлытау облысының Ұлытау ауданында үш адамды іздестіру-құтқару жұмыстары сәтті аяқталды, деп хабарлайды ҚазАқпаратқа сілтеме жасаған kazlenta.kz.
Баспасөз қызметінің мәліметтеріне қарағанда, жоғалған адамдар Бұрмаш қыстауынан табылды. Олардың арасында зардап шеккен ешкім жоқ, медициналық көмекті де қажет етпеді.
Табылған адамдардың айтуынша, олар шыққан көлік 12 км қашықтықтағы Бұрмаш қыстауының жанында қалың қардан жүре алмай қалған.
Естеріңізге сала кетейік, биылғы 4 қаңтарда 2023 жылғы 2 қаңтар күні Қарсақпай кентінен үш адам көлікпен Бұрмаш қыстауына шығып, олармен байланыс үзілгені туралы өтініш келіп түскен болатын. Адамдарды іздеу жұмыстары бір тәуліктен астам уақытқа созылды.
Жоғалған екі адамды іздеу жұмыстары әлі де жалғасуда.
Ұлытау облысының ТЖ департаменті қыс мезгілінде қауіпсіздік ережелерін сақтау қажеттігі туралы ескертеді, ауа райына байланысты ескертулерге назар аударыңыз және күн бұзылған жағдайда үйде болыңыз!
Осыған байланысты, қыс мезгілінде төтенше жағдайлардың алдын алу үшін келесі маңызды ережелерді еске саламыз:
- Азаматтар автомобильдермен жолға шықпас бұрын ауа-райына және онымен байланысты ескертулерге назар аударуы керек;
- Жазғы доңғалақтарды қысқы доңғалақтарға ауыстырып, көлікте күрек пен балта, жылы заттар, сіріңкелер мен шамдар, азық-түлік пен жанар-жағармай қоры, құрал-саймандар жиынтығы мен сүйрету кабелі, алғашқы медициналық көмек қобдишасы және зарядталған ұялы телефон болуы қажет.
Төтенше жағдай туындаған жағдайда құтқару қызметінің тәулік бойғы «112» бірыңғай нөміріне немесе «101» нөміріне қоңырау шалыңыз.