Алматыда қала әкімі Дархан Сатыбалды Үндістан Республикасының Қазақстандағы Төтенше және Өкілетті Елшісі Сайлас Тангалмен кездесті. Тараптар ынтымақтастықты кеңейту мүмкіндіктерін талқылады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
2025 жылдың алғашқы жарты жылдығында Қазақстан мен Үндістан арасындағы тауар айналымы 547 млн АҚШ долларынан асты. Оның ішінде 183 млн доллар Алматыға тиесілі. Сондай-ақ осы кезеңде Алматыға Үндістаннан 55 мыңнан астам турист келді. Бұл өткен жылмен салыстырғанда 16%-ға көп.Дархан Сатыбалды атап өткендей, Алматы – елдің мәдени, ғылыми әрі іскерлік орталығы. Қала инвестиция тартып, қарқынды дамып келеді. 2024 жылы Алматыға 5,5 млрд доллардан астам инвестиция құйылды, оның шамамен 90%-ы – жеке капитал.Бүгінде Алматыда үнді капиталы бар шамамен 260 кәсіпорын жұмыс істейді.Туризмді дамыту мен әуе қатынасын кеңейтуге ерекше көңіл бөлінуде: Дели, Мумбаи және Гоа бағыттарына тікелей рейстердің ашылуы сапарларды барынша қолайлы етті,-делінген хабарда.Кездесу қорытындысында Алматы әкімі серіктестіктің болашағы зор бағыттары ретінде IT-секторды, фармацевтиканы, өңдеуші өнеркәсіпті және жаңа технологияларды атады.