Шет ауданындағы Тау алабы аумағында 1872 га алдын ала алаңда («Қазақстан Ғарыш Сапары» ҰК» АҚ нақтыланған деректеріне сәйкес) 1 ошақ бақылауда қалуда, оның ішінде 167,7 га «Ақтоғай орман және жануарлар дүниесін қорғау жөніндегі шаруашылық» аумағы. Жағдай тұрақты, көзге көрінетін жану ошақтары жоқ, өртті оқшаулау туралы шешім қабылдау мақсатында аумаққа су құю, қарауылдау, сондай-ақ айналып өту жүргізіледі, деп хабарлайды kazlenta.kz тілшісі ҚР ТЖД баспасөз қызметіне сілтеме жасап.
Жұмыстарға 110 адам және 30 техника жұмылдырылды. Өңірде соңғы тәулікте Ақтоғай ауданында құрғақ шөптің жануының екі оқиғасы сөндірілді. Шабанбай би ауылдық округінде өрт аумағы 10 гектарды құрап, ерікті өрт сөндіру бөлімшелерінің күшімен сөндірілді.
Айыртас ауылдық округінде Айыртас ауылының өрт сөндіру бөлімшесінің күшімен 42 гектар аумақта құрғақ шөптің өрті сөндірілді.
Қарағанды облысының ТЖД өрт қауіпті кезеңде өрт қауіпсіздігі ережелерін сақтауды еске салады:
орман және дала алқаптарында от жағуға және басқа да өрт қауіпті жұмыстарды жүргізуге жол бермеңіздер;
жанып тұрған сіріңкелер мен темекі тұқылдарын, соның ішінде автомобиль жолдарының бойына тастамаңыздар;
балаларды қараусыз қалдырмаңыздар, оларға отпен ойнауға рұқсат бермеңіздер.