Оқиға 30 маусым күні Саркан ауданында Volkswagen Polo қатысуымен тіркелді. Көлікті 73 жастағы ер адам басқарған, ол Алматы-Өскемен тас жолының 462 шақырымында көліктің аударылып кетуіне жол берген, деп хабарлайды kazlenta.kz тілшісi polisia.kz телеграм арнасына сілтеме жасап.
Шетелдік көлікте болған 33 жастағы жолаушы оқиға орнында көз жұмды.
Зардап шеккен екінші жолаушы қарт жүргізушімен бірге Сарқан аудандық ауруханасына жатқызылды.
ҚР ҚК-нің 345-бабының 3-бөлігіне сәйкес тергеу амалдары басталды.