Павлодар облысында жол апатынан жүргізуші әйел қаза тапқан, деп хабарлайды kazlenta.kz тілшісі polisia.kz телеграм арнасына сілтеме жасап.
25 маусым сағат 17:30-да Астана-Шідерті автожолының 252 шақырымында Mercedes автокөлігінің 39 жастағы жүргізушісі рөлді басқара алмай, аударылып қалып, оқиға орнында қаза тапты.
Екі кәмелетке толмаған жолаушы ауруханаға жеткізілді. Автокөлік айып тұрағына қойылды.
Полиция тексеріс жүргізіп жатыр.