Ақтөбе облысында жол апатынан бес адам мерт болып, тағы бес адам ауылдық ауруханаға жеткізілді, деп хабарлайды Polisia.kz-ке сілтеме жасаған kazlenta.kz
Ақпараттық порталдың мәліметінше, жол апаты 21 тамыз күні сағат 12:30-да Темір ауданына қарасты "Покровка – Жаңажол" тасжолының 54-ші шақырымында болған. Белгілі болғандай, Қандыағаш қаласынан Кеңкияқ ауылына қарай бағыт алған Lada Largus көлігі аударылып қалған.
Жол апаты салдарынан көлік құралын басқарған 40 жастағы әйел және үш жолаушы (бірі бала) оқиға орнында, тағы бір жолаушы ауруханада көз жұмған. Сонымен қатар бес адам (оның ішінде үшеуі бала) Кеңкияқ ауруханасына жеткізілген.
22-08-2022, 11:02
Ақтөбе облысында жантүршігерлік жол апатынан бес адам жан тапсырды
Егер мәтінде қате байқасаңыз, оны таңдап, Ctrl+Enter пернелерін басыңыз